МОНГОЛ УЛС АНХ УДАА ЭМЭГТЭЙ ГЕНЕРАЛ ЦОЛТОНТОЙ БОЛЛОО

МОНГОЛ УЛС АНХ УДАА ЭМЭГТЭЙ ГЕНЕРАЛ ЦОЛТОНТОЙ БОЛЛОО
Бригадын генерал Ганболдын Болор нь Монгол Улсын Батлан хамгаалахын их сургуулийн анхны эмэгтэй төгсөгч, АНУ-ын Алабама муж дахь Агаарын цэргийн команд штабын коллеж болон Дайны коллеж зэрэг цэргийн 3 шатны сургуулийг амжилттай төгсөж, цэргийн стратегийн удирдлагын түвшинд ажиллах өндөр боловсрол эзэмшиж, цэргийн сургууль, анги, байгууллагуудад тасралтгүй 28 жил ажиллаж байна
Ганболдын Болор нь Нэгдсэн Үндэстний Байгууллагын Энхийг сахиулах ажиллагаанд штабын офицероор 2 удаа, НҮБ-ын төв штабын удирдах албан тушаалд Монгол Улсаас ажиллах анхны офицер болон томилогдож, үүргээ нэр төртэйгөөр амжилттай гүйцэтгэж ирсэн бөгөөд улс орныхоо аюулгүй байдлыг улс төр, дипломатын аргаар хангах бодлогыг хэрэгжүүлэхэд жинтэй хувь нэмэр оруулсан шилдэг эмэгтэй офицер юм