Солонгосын КВS -ээр нэгэн ноцтой мэдээ хүргэлээ. Чежү хотын нэгэн буудалд бэлгийн хүчирхийлэл үйлдсэн хэргээр монголын зарим холбогдох албан тушаалтнуудыг цагдаа нар баривчилжээ. Үүнийг тодруулахад, Сэлэнгэ аймгийн Мандал сумын Засаг даргын орлогч М гэдэг нь баталгаажаад байна.
Тухайн хотод болсон соёлын солилцооны арга хэмжээний тоглолтын дараа бүжгийн хамтлагийнхантай архи ууж байгаад орчуулагчаар ажиллаж байсан 20 гаруй насны монгол эмэгтэйд бэлгийн дарамт учруулсан хэрэгт буруутгагдаж байгаа юм. Тухайн үед хохирогч өрөөнөөсөө гарч буудлын ажилчдаас тусламж хүссэн бөгөөд тэр даруй цагдаа дуудсан бна. Цагдаагийн байгууллагын мөрдөн байцаалтын явцад зарим хэргүүдийг хүлээн зөвшөөрсөн ч баривчлах тогтоолыг бодитойгоор шалгах явцад уг хэргийг үгүйсгэсэн гэж мэдэгджээ. Бид энэхүү мэдээллийг удахгүй илүү дэлгэрэнгүй хүргэх болно.
