Лу.Гантөмөр сайдын тэглэсэн зээлүүд дунд Колорадогийн их сургуульд суралцахаар 31,102 ам.долларын зээл авсан Чимэдийн Төгссайхан гэх нэр байгаа юм. Тэрбээр энэхүү зээлийг 1998 онд авсан ч БСШУС-ын сайдын 2018 оны 08-р сарын 31-ний өдрийн А/555 тоот тушаалаар чөлөөлөгджээ.
Тэрээр энэхүү зээлийг магистраар суралцахаар авсан бөгөөд одоо “LifeVantage” корпорацид химийн мэргэжилтнээр ажилладаг бололтой. Ч.Төгссайхан хатагтай гэр бүлийн хамт АНУ-ын Колорадо мужийн Денвер хотод ажилладаг амьдардаг бөгөөд улсаас авсан зээлээ тэглүүлэхээс гадна тэрбээр эх орондоо ч эргэж ирсэнгүй. Түүнийг Ерөнхий сайд асан Ч.Сайханбилэгийн төрсөн дүү гэдгийг энд дурдах нь зүй биз ээ.
